Күп еллар дәвамында йолага әверелгән зиярат җыештыру чарасына авылдашлар бу елның май башында тагын күмәк килде. 1 май таңында авыл зияратында халык дәррау тотынып, бөтен чүп-чарны җыештырды, чардуганнарны көйләде.

Хәер, даими тәртиптә тотканга, артык посташлык та юк иде. Күбрәге көзге яфраклар, каберләр өстендәге кипкән чәчкләр, каберләрне капларга торган усак үсентеләре күбрәк тазартылды. 

Быелгы Яңа ел бал-маскарады үзенчәлекле үтте. Авыл клубы артындагы спорт мәйданчыгында купшыдан киенгән чыршы янында булды ул!

Бәйрәм ачык һавада булуына карамастан, башка еллардагыдан бер дә ким булмаган, әкияти кунаклар да шактый килеп җыелды. Гадәти булмаганча ике әтәч, киләсе елның Хуҗасы, бәйрәмгә килеп төшеп, килеп керүгә үк сугышып та киттеләр...

5 июнь көнне, Аксәеттэ колхоз сабантуе үтүгә, элекке вакытлардагы кебек, Авыл сабантуе оештырылды.

Сабантуй буласыннан бер көн алда бертөркем авылдашлар Сөрән сугуга чыкты. Халык күтәренке күңел белән яулык, сөлге һәм башка бүләкләрне киштәгә бәйләде. Бер чиләккә йорт йомыркалары да шактый гына тупланды...

Дөрес, Чишмә буе инде сазланып, куаклар, агачлар басып, яланы да кечкенә генә булып калды. Шуңа да сабантуй өчен яңа урын хәзерләнде. Волейбол сеткасы тарттырылды, сабантуй аланчыгына кергән җиргә җеп сузып шарлар белән бизәлде. Сабантуй аланында башкорт, татар җырлары яңгырады.